काठमाडौं – गायक अशोक दर्जीमाथि ‘दुर्व्यवहार’ भएको भिडियो सार्वजनिक भएपछि फिल्म ‘पार्वती’को टिजर सार्वजनिक रोकिएको छ ।

अशोकसमेत शीर्ष भूमिकामा रहेको फिल्म ‘पार्वती’ टिमले विज्ञप्ति जारी गरी यो जानकारी दिएको हो ।

निर्माण कम्पनी नीता फिल्मस् प्रोडक्सन प्रालिले जारी गरेको विज्ञप्तिमा उल्लेख गरिएको छ, ‘हाल हाम्रो चलचित्रका बाल कलाकार अशोक दर्जीसँग सम्बिन्धित केही व्यक्तिगत कारणवश उत्पन्न परिस्थितिलाई मध्यनजर गर्दै, यस संवेदनशील समयमा चलचित्रको प्रचार-प्रसारसम्बन्धि कुनै पनि सामाग्री सावजनिक नगर्न हामी बाध्य भएका छौं ।’

यो पनि : जेठमै कुटिएका थिए अशोक दर्जी, घटनाबारे के भन्छ प्रहरी ?

चाँडै नयाँ मिति घोषण गरी टिजर सार्वजनिक गर्ने विज्ञप्तिमा उल्लेख गरिएको छ ।

आर्थिक लेनदेनको विषयमा अशोकमाथि हातपात भएको भिडियो अहिले चर्चामा छ । यही घटनाले टिजर सार्वजनिक स्थगितसम्मको स्थिति आएको हो ।

सम्बन्धित समाचार :

गायक अशोक दर्जीमाथि दुर्व्यवहार भएको भिडियो भाइरल

गायक दर्जीमाथि हातपात प्रकरण: निष्पक्ष छानबिन गर्न नीता ढुङ्गानाको माग