इनरुवा- सुनसरीको देवानगञ्ज गाउँपालिका–३, कप्तानगञ्ज बजारमा साउन १० गते भएको दुःखद घटनापछि इनरुवा नगरपालिकाले दुई दिन स्थानीय शोक बिदा घोषणा गरेको छ।
नगरपालिकाले मंगलबार एक सूचना जारी गर्दै साउन १२ र १३ गते नगर कार्यपालिकाको कार्यालय, सबै वडा कार्यालय, सामुदायिक, संस्थागत तथा धार्मिक विद्यालय, स्वास्थ्य संस्था (अत्यावश्यक स्वास्थ्य सेवा बाहेक) तथा नगरपालिका मातहतका अन्य सबै कार्यालयमा स्थानीय शोक बिदा रहने जनाएको हो।
नगरपालिकाले सबै नागरिकलाई सामाजिक सद्भाव, आपसी भाइचारा, धार्मिक सहिष्णुता तथा साम्प्रदायिक एकता कायम राख्न आग्रह गरेको छ।
प्रतिक्रिया