काठमाडौं– भदौ २३ र २४ गते भएको जेन-जी आन्दोलनको विषयमा राष्ट्रिय मानवअधिकार आयोगको अनुसन्धानले प्रधानमन्त्री बालेन्द्र शाह ‘बालेन’को भूमिकामाथि प्रश्न उठाएको छैन ।

आयोगले बुधबार सार्वजनिक गरेको अनुसन्धान प्रतिवेदनमा राज्यको नेतृत्व गर्नेदेखि आन्दोलनमा विभिन्न भूमिका रहेका सयौँ मानिस दोषी रहेको हुनसक्ने भन्दै थप अनुसन्धान गर्नुपर्ने औँल्याउँदा बालेनमाथि भने कुनै प्रश्न उठाएको छैन ।

आयोगले सामाजिक सञ्जालमा स्टाटस लेख्नेदेखि आन्दोलनको क्रममा विभिन्न भूमिकामा देखिएका व्यक्तिमाथि थप अनुसन्धान र कारबाही गर्न आवश्यक रहेको औँल्याएको छ । तर, सो समयमा काठमाडौं महानगरको प्रमुखको भूमिकामा रहेका बालेनले लेखेका स्टाटसको विषयमा भने आयोग मौन रहेको देखिएको हो ।

हालका प्रधानमन्त्री बालेनले जेन-जी आन्दोलनलाई समर्थन गर्नेदेखि स्थगन गर्नेसम्मको विषयमा सामाजिक सञ्जालमा स्टाटस लेखेरै वातावरण तयार गरेका थिए ।