काठमाडौं– पछिल्लो समय धेरै महिलाहरू र किशोरीहरूले भि-वास  प्रयोग गर्दा गोप्य अंग अझ सफा हुन्छ भन्ने सोच्ने गर्छन् । तर वास्तवमा महिलाको योनी आफैं सफा हुने अंग हो । त्यसैले बारम्बार  भि वास प्रयोग गर्नु आवश्यक हुँदैन । 

योनीभित्र राम्रो जीवाणु  हुन्छन्, जसले संक्रमण हुनबाट जोगाउँछन् । तर भि-वासमा भएका केमिकल र सुगन्धले यी राम्रो जीवाणु नष्ट गर्न सक्छन्। त्यसपछि चिलाउने, पोल्ने, सुख्खा हुने, रातो हुने वा दुर्गन्ध आउने समस्या देखिन सक्छ। कहिलेकाहीँ संक्रमण झन् बढ्न पनि सक्छ ।

विशेषज्ञहरूका अनुसार गोप्य अंगको बाहिरी भाग सफा पानीले धुनु नै पर्याप्त हुन्छ । योनीभित्र पानी वा अन्य पदार्थ हालेर सफा गर्नु भने हानिकारक हुन सक्छ ।

महिलाको स्वास्थ्यका लागि 

 सफा सुतीको अन्डरवेयर लगाउने

 दैनिक सरसफाइ गर्ने

 शरीरलाई सुख्खा राख्ने

 पर्याप्त पानी पिउने

स्वस्थ खाना खाने 

जस्ता बानीहरू उपयोगी मानिन्छन् । यदि धेरै चिलाउने, पोल्ने, दुर्गन्ध आउने वा असामान्य सेतो पानी आउने समस्या भएमा डाक्टरसँग सल्लाह लिनुपर्छ ।