काठमाडौं- राष्ट्रिय स्वतन्त्र पार्टीका वरिष्ठ नेता बालेन्द्र शाह ‘बालेन’को नेतृत्वमा १५ सदस्यीय संघीय मन्त्रिपरिषद् गठन भएको छ । बालेन नेतृत्वको क्याबिनेटमा पाँचजना महिलाले अवसर पाएका छन् ।

प्रधानमन्त्री बालेनसहित सबै १४ मन्त्रीले शुक्रबार नै शीतल निवासमा शपथ ग्रहण गर्दैछन् । बालेनलाई यसअघि नै राष्ट्रपति रामचन्द्र पौडेलले प्रधानमन्त्री बनाइसकेका छन्। बालेनको काँधमा रक्षा र उद्योग मन्त्रालय पनि आएको छ।

बालेनको मन्त्रिपरिषदमा दोस्रो वरीयता स्वर्णिम वाग्लेले पाएका छन् । उनलाई अर्थमन्त्रीको जिम्मेवारी दिइएको छ । सोबिता गौतम कानुन मन्त्री र शिशिर खनाल परराष्ट्रमन्त्री बनेका छन् ।

गोरखाबाट निर्वाचित सुधन गुरुङलाई आश्चर्यजनक रुपमा गृह मन्त्री बनाइएको छ। उता काठमाडौंका विराजभक्त श्रेष्ठले ऊर्जा मन्त्रालय पाएका छन् ।

सामान्य प्रशासन मन्त्रालयमा प्रतिभा रावल आएकी छन् । नुवाकोटका डा. विक्रम तिमिल्सिना सञ्चारमन्त्री बन्ददा महोत्तरीका दीपक साहले श्रम मन्त्रीको जिम्मेवारी पाएका छन् ।

काठमाडौंका सस्मित पोखरेललाई शिक्षा मन्त्रालय दिइएको छ। कास्कीका खड्क (गणेश) पौडेलले पर्यटनमन्त्रीको जिम्मेवारी पाएका छन् । उता सीता वादी महिला, बालबालिका मन्त्री भएकी छन् । सुनसरीकी निशा मेहता स्वास्थ्य तथा जनसंख्या मन्त्रीमा नियुक्त भएकी छन् ।