काठमाडौं – नेपाल क्रिकेट संघ (क्यान)ले आईसीसी विश्वकप लिग–२ को घरेलु सिरिजलाई लक्षित गर्दै प्रारम्भिक तयारी सुरु गरेको छ । विश्वकप लिग–२ का लागि शुक्रबार क्याले २० सदस्यीय प्रारम्भिक टोली घोषणा गरेको हो ।

घोषित टोलीमा रोहित पौडेल, दीपेन्द्रसिंह ऐरी कुशल भुर्तेल, आसिफ सेख, अर्जुन साउद, भीम सार्की, आरिफ सेख, बसिर अहमद, गुलसन झा रहेका छन् ।

यस्ते सोमपाल कामी, करण केसी, नन्दन यादव, रिजन ढकाल, सन्दीप लामिछाने, ललित राजवंशी, साहब आलम, शेर मल्ल, ईशान पाण्डे, आकाश चन्द र हेमन्त धामी टोलीमा परेका छन् । अनुभव र युवाशक्तिको मिश्रणसहित सन्तुलित संयोजन बनाउने प्रयास क्यानले गरेको देखिन्छ।

यद्यपि, भारत र श्रीलंकामा सम्पन्न टी–२० विश्वकप खेलेर फर्किएका लोकेश बम र सन्दीप जोरा भने यसपटकको प्रारम्भिक सूचीमा अटाएनन् ।