काठमाडौं – फागुन २१ को निर्वाचनले त्यस महिनामा प्रदर्शनम मिति तोकिएका फिल्मका मेकरहरु समस्यामा परेका छन् ।

चुनावी माहोलमा फिल्मको प्रचार हराउन सक्ने जोखिमका कारण उनीहरु निर्वाचन वरपर फिल्म प्रदर्शनमा ल्याउन निकै सोच विचार गरिरहेका छन् ।

एक फिल्मको प्रदर्शन अनिश्चितकाललाई रोकिएको छ । नायकहरु सौगाल मल्ल, अपर्ण थापा, नायिकाहरु बेनिशा हमाल र वर्षा सिवाकोटी शीर्ष भूमिकामा रहेको फिल्म ‘कल्ली’को प्रदर्शन स्थागित भएको हो ।

फागुन १ गते प्रदर्शन मिति तोकिएको यस फिल्म चुनावपछि नयाँ सरकार बनेर स्थिति सामान्य भएपछि मात्रै हलमा लाग्ने निर्माण कम्पनी लेकाली इन्टरटेन्मेटले विज्ञप्तिमार्फत् दर्शकलाई जानकारी दिएको छ ।

विज्ञप्तिमा लेखिएको छ, ‘मुलुकमा नयाँ सरकारको गठन र निर्वाचनपछिको सहज वातावरण बने लगत्तै हामी ‘कल्ली’को नयाँ प्रदर्शन मिति घोषणा गर्छौं ।’

अर्थात् यो फिल्मको प्रदर्शन मिति अनिश्चितकालका रोकिएको हो ।

‘कल्ली’सहित ५ फिल्मले फागुन १ लाई प्रदर्शन मिति तोकेका थिए । अन्य चार फिल्म भने मौन नै छन् ।

फिल्महरु ‘श्री बुकुरो’, ‘लालीबजार’, ‘बिगुल’ र ‘शिवांश’ले फागुन १ लाई नै प्रदर्शन मिति तोकेका छन् ।