काठमाडौं- नेकपा एमालेका अध्यक्ष केपी शर्मा ओलीले प्रतिनिधि सभाका २५ जना सांसदहरूलाई च्यासलमा बोलाएका छन् ।

बुवा मोहनप्रसाद ओलीको काजकिरिया सकिएपछि ओली पहिलो पटक एमाले केन्द्रीय कार्यालय च्यासलमा आउन लागेका हुन् ।

उनले सिंहदरबारमा शपथ लिइसकेपछि बिहीबार दिउँसो ३ बजे सबै २५ जना सांसदहरूलाई निर्देशन दिन च्यासल बोलाएका हुन् ।

एमालेले फागुन २१ को निर्वाचनमा लज्जाजस्पद नतिजासहित प्रत्यक्षतर्फ ९ र समानुपातिकतर्फ केबल १६ सिटमात्रै जित्न सफल भएको छ।

एमालेले चुनावी धक्का ब्यहोर्दै अध्यक्ष ओलीसहित सबै पदाधिकारीले हारको सामना गर्नुपरेको छ। यो अवस्थामा एमालेले अब संसदीय दलको नेता पनि चयन गर्नुपर्नेछ ।

संसदीय दलको नेताका लागि उपाध्यक्ष रामबहादुर थापा बादलसहितका सांसदहरूको चर्चा छ । युवा एमाालेहरूले भने सुहाङ नेम्बाङलाई दलको नेता बनाउनुपर्ने बताइरहेका छन ।

यस्तोमा ओलीले आफ्नो दलका सांसदहरूलाई प्रतिनिधिसभामा खेल्नुपर्ने भूमिकासहितका विषयमा निर्देशन दिने बताइएको छ।