काठमाडौं – नायक धिरज मगरको विशेष उपस्थितिमा निरजरा ब्युटी सलोन एन्ड एकेडेमीले १८ औं वार्षिक उत्सव मनाएको छ ।

ललितपुरको ग्वार्खुमा आयोजिकत कार्यक्रममा यस संस्थाले आफ्ना १२५ जना विद्यार्थीलाई प्रमाणपत्रसमेत दिएको थियो ।

२०६५ सालमा धार्दिङबाट सुरू भएको यो ब्युटी सलोनले हाल काठमाडौंका दुई ब्रान्चबाटसमेत सेवा दिँदै आएको छ ।

नुरा कुँवरको नेतृत्वमा सुरु भएको संस्थाले समयसँगै स्किन एस्थेटिक, विभिन्न व्यावसायिक ब्युटी सेवा, मेकअप तथा सेमी-पर्मानेन्ट मेकअपलगायतका सेवा विस्तार गरेको छ।

सेवासँगै सीप तथा व्यावसायिक शिक्षा प्रदान गर्दै आएको निरजरा ब्युटी एकेडेमीबाट हालसम्म २ हजार ५०० भन्दा बढी विद्यार्थीले विभिन्न तहका ब्युटी, स्किन एस्थेटिक तथा सेमी-पर्मानेन्ट मेकअपसम्बन्धी पाठ्यक्रम पूरा गरिसकेका छन् ।

तीमध्ये धेरैजना नेपाल तथा विदेशमा पेशागत रूपमा कार्यरत छन् भने केहीले आफ्नै ब्युटी व्यवसाय सञ्चालन गर्दै आएका छन् ।

वार्षिकोत्सव कार्यक्रममा नायक मगरसहित कलाकार पुष्पा थिङ, सांसद भूमिका श्रेष्ठलगायतको उपस्थिति थियो।