काठमाडौं– मानसरोवर र लाङटाङ क्षेत्रमा गएका ३९४ जना पर्यटक सम्पर्कविहीन भएका छन् ।
पर्यटन विभागका सूचना अधिकारी सुरज घिमिरेले पर्यटकहरू के अवस्थामा छन् भनेर थाहा पाउन नसकिएको बताए ।
‘मानसरोबार र लाङटाङतिर गएको पर्यटकको रेकडेर्ड संख्या ३९४ जना हो, जसमध्ये २९१ जना विदेशी र ९६ जना नेपाली हुन्’, सूचना अधिकारी घिमिरेले भने, ‘उहाँहरू विभिन्न गन्तव्यमा हुनुहुन्छ होला, फोन नलागेको कारण सम्पर्कमा नभएको अवस्था हो ।’
बाढी आएको बेला उनीहरू कहाँ थिए भनेर जानकारी पाउन नसकिएको उनले बताए ।
स्याफ्रुँबेसीमा रहेका पर्यटक प्रहरी भने सबै सकुशल रहेको विभागले जनाएको छ ।
प्रतिक्रिया