तेलअभिभ- इजरायली प्रधानमन्त्री बेन्जामिन नेतन्याहू सोमबार अमेरिका प्रस्थान गर्ने भएका छन्।

इजरायली प्रधानमन्त्री कार्यालयका अनुसार उनले मंगलबार अमेरिकी राष्ट्रपति डोनाल्ड ट्रम्पसँग भेटवार्ता गर्नेछन्। त्यही दिन उनी दिवंगत अमेरिकी सिनेटर लिन्ड्से ग्राहमको अन्त्येष्टिमा पनि सहभागी हुने कार्यक्रम छ।

नेतान्याहु र ट्रम्पबीच फेब्रुअरीयता पहिलो पटक प्रत्यक्ष भेट हुन लागेको हो। दुवै नेताबीचको पछिल्लो भेट इरानसँगको युद्ध सुरु हुनुअघि भएको थियो।

अमेरिका र इरानबीच फेरि तनाव बढिरहेका बेला हुन लागेको यस भेटलाई महत्वपूर्ण रूपमा हेरिएको छ।

तेहरानले आफ्ना आक्रमणको दायरा विस्तार गर्दै प्रत्यक्ष रूपमा इजरायललाई पनि निशाना बनाउन सक्ने आशंका रहेकाले देश उच्च सतर्कतामा रहेको बताइएको छ।