न्यूयोर्क (अमेरिका) – विश्वभर आप्रवासीका रूपमा छरिएर रहेका नेपालीहरूलाई एकताबद्ध गर्ने उद्देश्यले ‘हामी नेपाली इन्टरनेशनल’ नामक छाता संस्था स्थापना गरिएको छ।

गैरनाफामूलक संस्थाका रूपमा न्यूयोर्क सिटीमा दर्ता भई ‘नेपाल र नेपालीका लागि हामी नेपाली’ भन्ने नारासहित संस्था सञ्चालनमा आएको हो।

संस्थाका अध्यक्षमा नवराज केसी चयन भएका छन्। प्रेसिडेन्ट इलेक्टमा मोहन वाइवा, महासचिवमा सूर्य सिम्खडा, उपाध्यक्षहरूमा इन्दिरा त्रिपाठी, बसन्ती राई, जनक भण्डारी र बृहस्पति लामा छन्। कोषाध्यक्षमा डा. राम खड्का चयन भएका छन्।

बोर्ड सदस्यहरूमा अर्विन पौडेल, रुद्र कार्की (क्यानडा), अंकुर लुइँटेल, अशोक ज्ञवाली, गेग्ये योङयाल रिम्पोछे, मेरिना पराजुली, श्याम कार्की, पासाङ लामा, पूर्णबहादुर भुजेल मगर, विजय पुन (दुबई) र ध्रुवकुमार खत्री रहेका छन्।

कानुनी सल्लाहकारमा गिरिजा गौतम, इन्टरनेशनल वुमन कोअर्डिनेटरमा सुस्मा कार्की, इन्टरनेशनल मिडिया को-अर्डिनेटरमा मनोज बस्नेत, इन्टरनेशनल युथ को-अर्डिनेटरमा जोन लामा तथा इन्टरनेशनल मिडिया रिपोर्टरमा बेगम पण्डित चयन भएका छन्।

त्यसैगरी सल्लाहकार परिषद्मा डा. राजन थपलिया, डा. श्याम कार्की, लक्ष्मी भट्ट, स्कट डेलिसी (नेपालका लागि पूर्व अमेरिकी राजदूत), डा. तुलसा थापा र केदारप्रसाद घिमिरे छन्।

संस्थाका अध्यक्ष केसीले विश्वभर रहेका आप्रवासी नेपालीलाई एउटै मञ्चमा जोड्ने उद्देश्यले संस्था स्थापना गरिएको बताए। उनका अनुसार अमेरिका बाहेक अन्य देशहरूमा पनि छिट्टै शाखा विस्तार गर्ने योजना रहेको छ।