काठमाडौं – मरिचमान श्रेष्ठ ‘बल्छी धुर्बे’को लेखन, निर्देशन, शीर्ष भूमिका र निर्माण रहेको फिल्म ‘गोबर गणेश’ले सुरुवाती ९ दिनमा एक करोड ग्रस कलेक्सन कटाएको छ ।

बल्छीका अनुसार फिल्मले माघ १ देखि ९ गतेसम्म एक करोड १० लाख ग्रस कलेक्सन गरेको हो ।

माघ १ गते ‘मिरमिरे’ र ‘भाइरल गोर्खे’समेत गरी तीन फिल्म प्रदर्शनमा आएका थिए । तीनमध्ये ‘गोबर गणेश’ले दोस्रो सातामा सबैभन्दा बढी शो पाएको फिल्म बनेको छ ।

दोस्रो सातामा हलमा दर्शक बढ्नेमा बल्छी आशावादी छन् । उनी दाबी गर्छन्, ‘हामीले इमानदार भएर कथा भन्ने प्रयास गरेका छौं । दर्शकले पनि ‘यो मेरो नै कथा हो’ भन्ने प्रतिक्रिया दिनुभएको छ । सकारात्म प्रतिक्रिया पाएकाले दोस्रो साता झन् दर्शक बढ्नेमा म आशावादी छु ।’

यस फिल्मको नायिका वर्षा शिवाकोटी हुन् । आमा–छोराको त्याग र संघर्षको कथामा यो फिल्म बनेको छ ।