काठमाडौं– प्रधानमन्त्री वालेन्द्र शाहले शुक्रबार संयुक्त राष्ट्रसंघको ८१औँ सभामा गरेको सम्बोधनमा त्रुटि गरेको नेपाली कांग्रसले औँल्याएको छ । कांग्रेसका प्रवक्ता देवराज चालिसेले विपदका विषयमा प्रधानमन्त्री र परराष्ट्रमन्त्रीले फरक–फरक तथ्यांक प्रस्तुत गरेको बताएका हुन् ।

अन्तर्राष्ट्रिय समुदायमा प्रस्तुत गर्ने राष्ट्रिय तथ्यांकमा अस्पष्टता देखिनु राम्रो सन्देश नभएको उनको भनाइ छ ।

‘विपद्का विषयमा अन्तराष्ट्रिय मंचहरूमा परराष्ट्र मन्त्रीको सम्वोधनमा क्षति जिडिपि को करिव १५% र प्रधानमन्त्रीको सम्बोधनमा पुनः स्थापना र पुनः निर्माण करिब १०% उल्लेख गरिएका छन् । यी दुई फरक सूचकमा आधारित अनुमान हुन सक्ने भएपनि तथ्यांकमा देखिएको यो फरक प्रतिशतका आधार, परिभाषा र स्रोत स्पष्ट हुनु पर्दथ्यो, देशको प्रमुख प्रतिनिधिहरूले अन्तर्राष्ट्रिय समुदायसमक्ष प्रस्तुत गर्ने राष्ट्रिय तथ्याकमा यस्तो अस्पष्टता देखिनु राम्रो सन्देश होइन’, चालिसेले सामाजिक सञ्जालमा लेखेका छन् ।

तर, नेपाली कांग्रेसले राष्ट्रसंघमा गरिने सम्बोधनको विषयमा प्रधानमन्त्रीलाई भेटेर अन्तर्राष्ट्रिय समुदायमा नेपालले उठाउनुपर्ने विषयबारे आवश्यक सुझाव दिएको र ती मुद्दाहरू प्रधानमन्त्रीको सम्बोधनमा परेको पनि प्रवक्ता चालिसेले बताएका छन् ।