काठमाडौं– आउँदो भाद्र १२ गते साउन शुक्ल पूर्णिमा अर्थात् जनैपुर्णिको अवसरमा ललितपुरको कुम्भेश्वर बंगलामुखीमा हुने मेलाको व्यबस्थापनको तयारी सुरु भएको छ ।

मेलाको व्यबस्थापनको तयारी ललितपुर महानगरपालिका ११ वडाले गरीरहेको वडाध्यक्ष अरुजु कुमार खड्गीले जानकारी दिए । उनले अहिले मन्दिर वरपर सरसफाइ, रंगरोगन र मर्मत संभारका कामहरु भइरहेको बताए। 

मेला भर्न आउनेले मन्दिर परिसरको कुण्डमा स्नान गर्ने भएकाले कुण्डमा पानी भर्ने काम भइरहेको समेत उनले बताए । 

कुम्भेश्वर मन्दिर परिसरमा रहेको कुण्डमा भगवान श्रीराम आएर आफ्नो बाणले प्रहार गरेर गोसँइकुण्डको पानी प्रवाहा गरेको किम्भदन्ती रहेको पाइन्छ । 

मेलाको सुरक्षाका लागि जनपथ प्रहरी, शसस्त्र प्रहरी र स्काउट लगाउतलाइ परिचालन गरिने अध्यक्ष खड्गीले जानकारी दिए । 

मेला भर्न आउने भक्तजनहरुका लागी गेट नम्नर १,२,३ र ४ गरी लाइनको व्यवस्थापन गरिएको उनले बताए ।

सनातन हिन्दू र बौद्ध धर्म मान्ने भक्तजनले कुम्भेश्वरलाई बज्रपानी लोकेश्वर भनेर पुज्ने गर्छन् । हरेक वर्ष कुम्भेश्वरमा मेला भर्न आउने भक्तजनहरुको घुँइचो लाग्ने गर्दछ ।