काठमाडौं– नेपालकै ठूलो अटोमोबाइल मेला नाडा अटो शो–२०२६ मा विभिन्न ब्राण्ड र मोडलका विद्युतीय चारपाङ्ग्रे सवारीसाधन आकर्षणको केन्द्र बनेका छन् ।

भृकुटीमण्डपमा मंगलबारदेखि सुरु भएको ६ दिने अटो शोमा विद्युतीय सवारीसाधनको उल्लेख्य उपस्थिति देखिएको छ । 

विद्युतीय सवारीतर्फ आकर्षण बढिरहेका बेला पेट्रोल, डिजेल तथा हाइब्रिड गाडी अवलोकनमा पनि दर्शकको चासो देखिएको छ ।

मेलामा चार तथा दुईपाङ्ग्रे सवारीसाधनसँगै अटोकम्पोनेन्ट, टायर, लुब्रिकेन्ट्स, स्पेयर पार्ट्स तथा एसेसरिजका गरी करिब २ सय स्टल राखिएका छन् ।

अटो शोमा विभिन्न कम्पनीले आफ्ना नयाँ मोडल तथा उत्पादन सार्वजनिक तथा प्रदर्शनीमा राखेका छन् । प्रदर्शनी अवलोकन गर्न आउने सर्वसाधारणले सवारीसाधनका विशेषता, मूल्य तथा उपलब्ध विकल्पबारे जानकारी लिइरहेका छन्।

तस्बिर : सुर्याम्स उप्रेती/नेपाल फोटो लाइब्रेरी