काठमाडौँ – एसिसी पुरुष प्रिमियर कपको तयारीका क्रममा नेपालले मलेसियाविरुद्ध अभ्यास खेल खेलिरहेको छ । खेलमा मलेसियाले टस जितेर पहिला ब्याटिङ गर्ने निर्णय गरेपछि नेपालले बलिङको निम्तो पाएको हो ।
एकदिवसीय (ओडिआई) अभ्यास खेललाई दुवै टोलीले आफ्नो अन्तिम तयारीका रूपमा लिएका छन् । एसिसी प्रिमियर कपमा नेपाल र मलेसिया एउटै समूहमा रहेकाले यस खेललाई दुवै टोलीका लागि महत्त्वपूर्ण मानिएको छ ।
प्रतियोगिताअघि भारत भ्रमणमा रहेको नेपाली राष्ट्रिय क्रिकेट टोली त्यहाँको तयारी पूरा गरी मलेसिया पुगेको हो । नेपाल र मलेसियाबीचको यो भिडन्तले दुवै टोलीलाई प्रतियोगिताअघि आफ्ना रणनीति तय गर्न र खेलाडीको फर्म जाँच्न मद्दत पुग्नेछ ।
प्रतिक्रिया