धनगढी – बैतडीको सुर्नया गाउँपालिका–२ का वडा सदस्य दान बहादुर ऐरी को आफ्नै घरमा भरुवा बन्दुक पड्किँदा घाइते भई उपचारका क्रममा निधन भएको छ।
बुधबार राति घरमै आफूले भरेको बन्दुक चलाउने क्रममा छर्रा लागेर गम्भीर घाइते भएका ४५ वर्षीय ऐरीको धनगढीमा उपचारका क्रममा आज मृत्यु भएको हो ।
घटनापछि उनलाई सोही राति जिल्ला अस्पताल बैतडी लगिएको थियो। त्यहाँ उपचार सम्भव नभएपछि थप उपचारका लागि धनगढी सारिएको थियो ।
घटनाको प्रारम्भमा परिवारले ग्यास सिलिण्डर पड्किँदा घाइते भएको बताएका थिए । तर, प्रहरीको अनुसन्धानपछि भरुवा बन्दुक पड्किँदा गोली लागेको खुलेको जिल्ला प्रहरी कार्यालय बैतडीले जनाएकाे छ ।
प्रतिक्रिया