काठमाडौं– नेपाली कांग्रेसका नेता तथा पूर्व अर्थमन्त्री डा. प्रकाशशरण महतले आफ्नो चुनावी प्रतिज्ञापत्र सार्वजनिक गरेका छन् । नुवाकोट १ बाट प्रतिनिधिसभा सदस्यमा उम्मेदवार रहेका महतले दर्जनौँ कामको सूची सहित आफ्नो प्रतिज्ञापत्र सार्वजनिक गरेका हुन् ।

डा. महतले पूर्वाधार विकास आफ्नो प्राथमिकता रहेको भन्दै सम्भाव्यता अध्ययनको क्रममा रहेको टोखा-छहरे सुरुङ मार्ग निर्माण गर्ने प्रक्रिया अगाडि बढाउने, पासाङ ल्हामु राजमार्गका बाँकी काम पूरा गर्ने, गाउँपालिकाका केन्द्रसँग जोड्ने सडक पुल बनाउने लगायतका काम गर्ने प्रतिज्ञपत्रमा उल्लेख गरेका छन् । 

डा. महतले कृषि र किसानलाई समृद्ध बनाउने योजना, पर्यटनमा समृद्धि, शिक्षा र स्वास्थ्य, युवालाई नुवाकोटमै अवसर, युवा तथा महिला र सबैको सहभागिता–साँझा समृद्धि जस्ता कार्यक्रम प्रतिज्ञापत्रमार्फत अघि सारेका छन् ।