काठमाडौं- श्रम संस्कृति पार्टीका अध्यक्ष एवम् संसदीय दलका नेता हर्क साम्पाङले प्रधानमन्त्री बालेन शाहको मुस्ताङ भ्रमणबारे संसद्मा प्रश्न उठाएका छन्।

सोमबारको प्रतिनिधिसभा बैठकमा बोल्दै उनले प्रधानमन्त्री पदको निजी जीवन नहुने पनि उल्लेख गरे। प्रधानमन्त्री शाह एक्लै नभएर सरकारी गाडी र सेना लिएर मुस्ताङ गएको उनले बताए ।

‘उहाँ मन्त्रिपरिषद्, संसदलाई सूचना नदिई जानुभएको ? के खान जानुभएको ? हावा थिएन भने काठमाडौंमा हावा छ । मुस्ताङमा स्याउ पनि फलेको थिएन होला अहिले,’ साम्पाङले भने, ‘के चाख्न जानुभएको हो, त्यो भन्नुपर्छ । सदनमा जवाफ दिनुपर्छ ।’

त्यस्तै उनले बलात्कारको घटनाबारे बोल्दै कडा कानुन बनाउनुपर्नेमा पनि जोड दिएका छन् । उनले नेपालको कानुन कमजोर कि त्यसलाई चलाउने मान्छे भनेर पनि संसद्‍मा प्रश्न गरेका छन् ।