काठमाडौं – राष्ट्रिय प्रजातन्त्र पार्टी (राप्रपा) ले बाग्मती सरकारमा सहभागी भएका आफ्नो पार्टीका मन्त्रीलाई पदमुक्त गर्न सिफारिस गरेको छ । 

अध्यक्ष राजेन्द्र लिङदेनले निर्वाचन आयोग र प्रदेशसभा सचिवालयलाई तीन मन्त्रीलाई पदमुक्त गर्न पत्राचार गरेका हुन्।

केन्द्रीय निर्णयविपरीत सरकारमा सहभागी भएको भन्दै मन्त्रीहरू राजु विष्ट, राजेन्द्र प्रजापति र गिरबहादुर तामाङमाथि कारबाही अघि बढाइएको हो।

पार्टीले स्पष्टीकरण मागे पनि उनीहरूले जवाफ नदिएपछि पदमुक्तिको प्रक्रिया अघि बढाइएको जनाएको छ। यसैबीच राप्रपाका प्रदेश संसदीय दलका नेता उद्धव थापा यसअघि नै कारबाहीमा परिसकेका छन्।

आज मुख्यमन्त्री किरण थापाले विश्वासको मत लिँदै गर्दा राप्रपाभित्रको विभाजनले सरकारको भविष्यसमेत अन्योलमा परेको छ। सरकार जोगाउन राप्रपाका दुई सांसदको मत निर्णायक हुने  छ।