काठमाडौं- अखिल नेपाल बुद्धिचाल महासंघको साधारण सभा दुई स्थानमा भएको छ । अविश्वास प्रस्ताव दर्ता पक्षधरको बहुमतको आधारमा काठमाडौँमा तय भएको हो ।

यसअघि महासंघका अध्यक्ष हेराकाजी महर्जन र महासचिव धरमबहादुर लामाविरुद्ध सदस्यहरूले अविश्वास प्रस्ताव दर्ता गरेका थिए । नेपालमा बुद्धिचाल खेलको कार्यालय समेत छैन । ३ वर्षअघि निर्वाचन साधारण सभा भए पनि त्यस पछि साधारण सभा भएको छैन ।

विगतमा राष्ट्रिय खेलकुद परिषदबाट मान्यता प्राप्तभन्दा धेरै जनाले ओलम्पियाडमा जाने प्रयास गरेका कारण ओलम्पियाडमा भिसा नदिइएको कारण धेरै चेसकर्मी आजित भएका थिए ।

अन्तर्राष्ट्रिय प्रतियोगितामा सहभागी हुने क्रममा कुनै प्रावधान नभएका कारण सचिवालयमा रहेका केही व्यक्तिको मनोमानी भएको भन्दै विगतमा खेलाडी तहबाट नै विद्रोह भएको थियो ।