काठमाडौं – बलिउड नायक रणवीर सिंह स्टारर फिल्म ‘धुरन्धर २’ले बक्स अफिसमा सुनामी ल्याएको छ ।

बलिउड इतिहासमै पहिलो पटक एक सय करोडको ओपनिङ गरेको यस फिल्मले भारतीय हलहरूमा दर्शकको चाप बढाएको छ ।

प्रदर्शनको चौथो दिनमा आइपुग्दा यस फिल्मले भारतमा मात्रै ४५२ करोड नेट कलेक्सन गरेको छ । प्रदर्शनको अघिल्लो दिनको पेड प्रिभ्यूको व्यापार जोड्दा उक्त नेट कलेक्सन पुगेको हो ।

प्रिभ्यूमा यस फिल्मले ४३ करोड नेट कलेक्सन गरेको थियो । त्यस्तै, पहिलो दिन १०२, दोस्रो दिन ८०, तेस्रो दिन ११३ र चौथो दिन ११४ करोड नेट कलेक्सन गरेको थियो ।

यो फिल्म सोमबार पाँचौ दिनमा प्रदर्शनरत छ ।

विदेशी बजारमा पनि यो फिल्मले राम्रो व्यापार गरिरहेको छ । नेपालमा पनि यो फिल्मको अकुपेन्सी उच्च छ । अधिकांश हलहरू हाउसफुल छ भने अन्यमा दर्शकको चाप उच्च छ ।

यसको पहिलो भाग ‘धुरन्धर’ले नेपालमा ११ करोड ग्रस कलेक्सन गरेको थियो ।