काठमाडौं- नेपाली कांग्रेसका सभापति गगनकुमार थापाले पार्टीका नेता-कार्यकर्ताहरूला आगामी फागुन २१ गतेको निर्वाचनमा आफ्नो क्षेत्र नछाड्न निर्देशन दिएका छन्।

सानेपामा शुक्रबार बसेको केन्द्रीय कार्यसमिति बैठकपछि पत्रकारहरू र कार्यकर्तालाई सम्बोधनका क्रममा उनले यस्तो बताएका हुन् ।

‘कोही पनि साथीले आफ्नो क्षेत्र छाडेर बाहिर नजानु होला । मेरै क्षेत्र सर्लाही ४ मा आउँछु भन्नेको संख्या ५ सय भन्दा माथि छ’, उनले भने, ‘तपाईंहरू आफ्नो क्षेत्रका उम्मेदवार जिताउन प्रतिबद्ध भएर खटिनु होला। बाहिरबाट मलाई सघाउन पनि आउनु पर्दैन । सर्लाहीमै मलाई सघाउने साथीहरू पर्याप्त हुनु हुन्छ ।’

उनले आफ्नो जुन क्षेत्र हो, त्यसैमा चुनावी अभियान चलाउन निर्देशन दिँदै बाहिरबाट जाँदा निर्वाचन अभियानमा समस्या हुने पनि बताए ।