कुवेत सिटी- कुवेतले सिरियाको राजधानी दमास्कसको दक्षिणपश्चिमस्थित एक गाउँमा सर्वसाधारण सवार गाडीलाई लक्षित गरी इजरायलले गरेको ड्रोन आक्रमणको निन्दा गरेको छ। आक्रमणमा केही सर्वसाधारण घाइते भएको अलजजिराले जनाएको छ।

कुवेतको विदेश मन्त्रालयले सामाजिक सञ्जालमार्फत जारी गरेको विज्ञप्तिमा अन्तर्राष्ट्रिय समुदाय र संयुक्त राष्ट्रसंघ सुरक्षा परिषद्लाई सिरियाली भूमिमा भइरहेका इजरायली आक्रमण रोक्न आफ्नो जिम्मेवारी पूरा गर्न आग्रह गरिएको छ।

इजरायलले भने उक्त आक्रमणको बचाउ गर्दै गाडीमा ‘आतंकवादी’ रहेको जिकिर गरेकव छ। उसले आफ्ना सेनामाथि आएको ‘तत्काल खतरा’का कारण आक्रमण गरिएको दाबी गरेको छ।

एक साताभित्र सिरियामा इजरायलले गरेको यो दोस्रो आक्रमण भएको बताइएको छ।