काठमाडौं – श्रम संस्कृति पार्टीका अध्यक्ष हर्क साम्पाङको फेसबुक पेज फिर्ता आएको छ। बुधबार राति ‘हर्क साम्पाङ अ रिभोल्युसन’ नामको पेज पुनः सक्रिय देखिएको हो।
१४ लाखभन्दा बढी फलोअर रहेको उक्त पेज केही दिनअघि अचानक हराएको थियो। अहिले पुनः सक्रिय बनेको पेजमा ६ दिनअघिको अन्तिम पोस्ट यथावत् देखिएको छ।
यसअघि सरकारले पूर्व–पश्चिम राजमार्गलाई ‘महेन्द्र राजमार्ग’ भनेर उल्लेख गरेपछि साम्पाङले सोही पेजमार्फत व्यंग्यात्मक प्रतिक्रिया जनाएका थिए । उनले ‘यलम्बर सडक’ नाम राख्नुपर्ने टिप्पणी गरेपछि सो अभिव्यक्ति विवादमा परेको थियो।
त्यसपछि धेरै प्रयोगकर्ताले एकैपटक रिपोर्ट गरेपछि उन पेज अस्थायी रूपमा निलम्बनमा परेको थियो ।
प्रतिक्रिया