काठमाडौं– राष्ट्रिय स्वतन्त्र पार्टीले तत्काल अर्को गृहमन्त्रीबारे नसोचेको जनाएको छ ।

गृहमन्त्री सुधन गुरूङले राजीनामा दिएसँगै अब नयाँ गृहमन्त्री को होला भन्ने चर्चा सुरु भएको छ। पार्टी सचिवालयका नेताहरू अर्को गृहमन्त्रीबारे सोचिनसकेको बताउँछन्।

‘गृहमन्त्रीले भर्खरै राजीनामा दिनुभएको छ । अर्को गृहमन्त्री को भनेर तयार भइसके र को र सोचिसकेको अवस्था छैन। प्रधानमन्त्रीज्यू र पार्टी सभापति बसेर यसबारे टुंग्याउनु हुन्छ’, पार्टीका एक नेताले भने, ‘आपत्कालीन रूपमा गृहमन्त्रीले राजीनामा दिनुपर्यो सबै हिसाबलाई हेरेर स्वच्छ छवि भएको व्यक्ति गृहमन्त्रीमा पठाउने पार्टीले तयारी गर्छ।’

यता बालेनको सचिवालय पनि तत्काल प्रधानमन्त्री मातहतमै गृहमन्त्रालय रहने बताउँछ । सचिवालय आज र भोलिसम्म नयाँ गृहमन्त्री आइनसक्ने बताउँछ ।

प्रधानमन्त्रीका एक सचिवालय सदस्यले भने , ‘नयाँ गृहमन्त्री आउन दुई दिन जति लाग्ला तर चाँडै नै गृह मन्त्रालयलाई पूर्णता दिन्छौं। उहाँको विषयमा अध्ययन अनुसन्धान गर्नुपर्ने भएकाले समय लम्बिन सक्छ त्यसकारण अर्को गृहमन्त्री राख्ने तयारीमा छ।’

पार्टी स्रोतका अनुसार गृहमन्त्रीलाई कसलाई पठाउने भन्ने विषयमा सभापति रवि र वालेन्द्रले नै अन्तिम निर्णय गर्नेछन् ।