काठमाडौं – चैत्र २७ गतेबाट प्रदर्शनमा आउन लागेको नायक विराज भट्ट स्टारर फिल्म ‘राम नाम सत्य’को पहिलो गीत ‘धागोले बाटेको’ आइतबार सार्वजनिक भएको छ ।
गीतमा विराज र शीर्ष नायिका सुपुष्पा भट्टलाई रोमान्टिक अवतारमा प्रस्तुत गरिएको छ ।
सार्वजनिक गीतमा बाबुल गिरी र रचना रिमालको स्वर, डाक्टर डीआर उपाध्यायको शब्द, बाबुल गिरीको संगीत छ ।
निर्देशक तथा लेखक माइकल चन्दका अनुसार यही गीतबाट फिल्मको प्रचार सुरु गरिएको हो ।
एक्सन, सस्पेन्स र लभ स्टोरीलाई समेटेर बनाइएको यस फिल्ममा विराज र सुपुष्पासहित नायकसुशील श्रेष्ठ, नायिका दिव्या रायमाझी, आयुष सिंह ठकुरी, प्रशान्त ताम्राकार, सुनिल थापा लगायतका कलाकारहरुको अभिनय छ ।
प्रतिक्रिया