काठमाडौँ – बर्नाडो सिल्भा र केलियन एमबाप्पेको उत्कृष्ट प्रदर्शनप्रेरित रियल मड्रिडले युइएफए च्याम्पियन्स लिगको ‘लिग स्टेज’ मा आफ्नो शतप्रतिशत नतिजालाई निरन्तरता दिएको छ।

बुधबार राति सम्पन्न खेलमा जोसे मोरिन्होको टोली रियल मड्रिडले आरबी लाइप्जिगलाई ४–१ को फराकिलो अन्तरले पराजित गरेको हो।

घरेलु मैदानमा पहिलो हाफको अन्त्यतिर बर्नाडो सिल्भाले गोल गर्दै मड्रिडलाई अग्रता दिलाएका थिए। म्यानचेस्टर सिटीबाट यसै सिजन मड्रिड आएका सिल्भाको यो पहिलो गोल हो।

पहिलो हाफमा १–० ले अघि रहेको मड्रिडका लागि ५२औँ मिनेटमा आर्दा गुलरले एमबाप्पेको पासमा गोल गर्दै टोलीको अग्रता दोब्बर बनाए।

८३औँ मिनेटमा केलियन एमबाप्पेले पेनाल्टी बक्सको बाहिरबाट उत्कृष्ट गोल गर्दै मड्रिडलाई ३-० को स्थितिमा पुर्‍याए। यो यस सिजन १२ खेलमा एमबाप्पेको १२औँ गोल हो।

८५औँ मिनेटमा लाइप्जिगका टिडियाम गोमिसले एक गोल फर्काउँदै खेलमा फर्किने प्रयास गरेका थिए। तर, त्यसको दुई मिनेटलगत्तै ८७औँ मिनेटमा पूर्व क्लबविरुद्ध खेल्दै यान डिओमान्डेले बक्स बाहिरबाट आकर्षक भली गोल गर्दै मड्रिडको ४–१ को जित पक्का गरे।

यस जितसँगै च्याम्पियन्स लिगमा मोरिन्होको टोलीले आफ्नो उत्कृष्ट यात्रा कायम राखेको छ। अब मड्रिडले आउँदो आइतबार सिजनको पहिलो ‘एल क्लासिको’ मा बार्सिलोनाको सामना गर्नेछ।