काठमाडौं – विवाहित महिलाका लागि सौन्दर्य प्रतियोगिता ‘मिसेस नेपाल वर्ल्ड -२०२६’ को आवेदन खुलेको छ ।

आयोजक रिबन इन्टरटेन्मेन्ट प्रालिले बुधबार पत्रकार सम्मेलन गरी आवेदन खुलाइएको जानकारी दिएको हो ।

खल्ती एप वा रिबन इन्टरटेनमेन्टको वेबसाइटबाट आवेदन दिन सकिने आयोजकले बताएको छ ।

पहिलो चरणको अडिसन साउन २३ गते काठमाडौंमा हुने आयोजक संस्थाका अध्यक्ष निशुकान्त झाले बताए । प्रतियोगिताको फाइनल कार्तिक १४ मा हुनेछ ।

उनकाअनुसार अडिसनबाट छनोट भएकालाई व्यक्तित्व विकास, सञ्चार कला, सार्वजनिक प्रस्तुति, र्‍याम्प वाक, फिटनेस, सामाजिक उत्तरदायित्वलगायत विषयमा ४५ दिनसम्म प्रशिक्षण दिइनेछ ।

यस प्रतियोगिताको विजेताले अमेरिकामा हुने आगामी संस्करणको मिसेस वर्ल्डमा नेपालको प्रतिनिधित्व गर्न पाउनेछन् । प्रतियोगितामा सहभागी हुन कुनै उचाइ र तौल तोकिएको छैन ।