काठमाडौं – फिफा विश्वकप २०२६ अन्तर्गत समूह ‘एच’ को खेलमा स्पेनले साउदी अरेबियाविरुद्ध शानदार सुरुवात गरेको छ। खेलको पहिलो हाफ जारी रहँदा स्पेनले ३–० गोलको अग्रता बनाउँदै साउदीमाथि दबाब सिर्जना गरेको छ। उसका लागि लामिन यमालले एक गोल गरे भने मिकेल ओयारजाबालले दुई गोल गरे ।

अघिल्लो खेलमा केप भर्डेसँग गोलरहित बराबरीमा रोकिएको स्पेनका लागि यो खेल निकै महत्वपूर्ण मानिएको थियो। त्यसैले प्रशिक्षक लुइस डे ला फुएन्तेको टोलीले सुरुवातदेखि नै आक्रामक फुटबल खेल्दै साउदीको रक्षापंक्ति तोडेको हो ।

स्पेनले बल नियन्त्रणमा राख्दै लगातार आक्रमण गरिरहेको छ । युवा स्टार खेलाडी लामिन यामालसहितको आक्रमण लाइनले साउदी डिफेन्सलाई लगातार चुनौती दिएको छ।

पहिलो हाफको अन्त्यसम्म स्पेनले ३–० को बलियो अग्रता बनाइसकेको छ। दोस्रो हाफमा साउदीले पुनरागमन गर्ने प्रयास गर्नेछ भने स्पेन आफ्नो अग्रता अझ बढाउने लक्ष्यमा हुनेछ।