काठमाडौं- राष्ट्रिय स्वतन्त्र पार्टीको पहिलो महाधिवेशन चितवनमा सुरू भएको छ।

पहिलो महाधिवेशनमा उद्घाटन सत्रमा नेपाली कांग्रेसका सभापति गगन थापा पनि पुगेका छन् ।

२०७९ को चुनावताका नै अघोषित सहकार्य रहेको भनिएका यी सभापति रवि लामिछाने र महाधिवेशनको निम्तो मान्न पुगेका सभापति थापाबीच अझै सुमधुर सम्बन्ध रहेको देखिएको छ।

महाधिवेशन स्थलमा एकैसाथ पुगेका पार्टी सभापति लामिछाने प्रधानमन्त्री एवम् वरिष्ठ नेता बालेन्द्र शाहले नेताहरूलाई स्वागत गरे ।

स्वागतका क्रममा रविले गगनलाई अङ्कमाल गरेका छन्। सुरूमै पुगेर महाधिवेशन प्रतिनिधिलाई नमस्कार गरेपछि रविले गगनलाई अंगालो मार्दै हात मिलाए ।

विगतमा कांग्रेस सभापति गगन थापा र रवि लामिछाने बीच मनमुटाव रहे पनि महाधिवेशन स्थलमा त्यो देखिएन ।

उनीहरू दुवै बीच सुमधुर सम्बन्ध थियो । २०७९ को चुनावमा रवि र गगनबीच केही चुनावी क्षेत्रमा अघोषित तालमेल भएको पनि चर्चा भएको थियो । उता गगनले बालेसँग भने हात मात्रै मिलाए ।