काठमाडौं – पोखराको पर्यटकीय केन्द्र लेकसाइड क्षेत्रमा पर्यटकलाई हैरान बनाउने थप तीन महिलालाई पक्राउ गरेको छ ।
जिल्ला प्रहरी कार्यालय कास्कीका अनुसार रातको समयमा पर्यटकलाई लक्षित गरी दुःख दिने, लुटपाट गर्ने तथा अनैतिक क्रियाकलापमा संलग्न रहेको आरोपमा उनीहरूलाई नियन्त्रणमा लिइएको हो ।
यसअघि पनि सोही अभियानअन्तर्गत १६ महिला पक्राउ परिसकेका छन् । प्रहरीले लेकसाइड क्षेत्रको सुरक्षालाई ध्यानमा राख्दै यस्ता गतिविधि नियन्त्रण गर्न विशेष अभियान सञ्चालन गरिरहेको जनाएको छ।
प्रहरीका सूचना अधिकारी गणेश पाण्डेका अनुसार पर्यटकमैत्री वातावरण कायम राख्न निगरानी र कारबाही दुवैलाई कडाइका साथ अघि बढाइएको छ।
प्रतिक्रिया