काठमाडौं – बलिउड नायक रितेश देशमुखको निर्देशनमा बनेको फिल्म ‘राजा शिभजी’को ट्रेलर रिलिज कार्यक्रमको भिडियो सामाजिक सञ्जालमा भाइरल बनेको छ । जुन भिडियोमा रितेश र उनकी श्रीमती नयिका जेनेलिया डिसुजा दुवै रोएको देखिन्छ ।

बलिउडको आदर्श जोडीको छवि बनाएका उनीहरू रोएका भिडियो देख्दा फ्यानहरूले विभिन्न प्रतिक्रिया दिएका छन् । कतिले श्रीमानको समर्थनमा सधैँ उभिने श्रीमतीका रुपमा जेनिलिया लिएका छन् ।

यसअघि सामाजिक सञ्जालमा यो जोडीलाई सधैँ हसिला र रमाइलो गरिरहेको देखिन्थे ।

मुम्बईंमा भएको उक्त कार्यक्रममा फिल्मका कलाकार सञ्जय दत्त र अविशेक बच्चन पनि सहभागी दिए ।

‘राजा शिवजी’ रितेशको ड्रिम प्रोजेक्ट हो । उनी र जेनेलिया शीर्ष भूमिकामा छन् । जेनेलिया निर्मात पनि हुन् ।

यो फिल्ममा रितेशले आफ्नो नाम रितेश विलासराव देशमुख राखेका छन् । विलासराव उनको बुवाको नाम हो । जो सन् २०१२ मा किड्नी र लिभरको खराबीले बितेका थिए ।

फिल्म निर्देशन गर्दाको चुनौतीहरू सेयर गर्ने क्रममा बुवाको सम्झनामा रितेशका आँखा रसाए ।

रितेशले बुवालाई सम्झनुको अर्को कारण पनि छ । फिल्मका नायक सञ्जय र रितेशका बुवा मिल्ने साथी पनि हुन् । सोहीकारण पनि यो फिल्म आफ्ना लागि विशेष रहेको रितेशले बताए ।

रितेश भावुक भएको देखेर उनकी श्रीमती जेनेलियाले पनि आशु रोक्न सकिनन् । श्रीमती रोएको देखेर रितेश झन् भावुक भए ।

रितेशका अनुुसार उनी यो फिल्म बनाउन पछिल्लो १० वर्षदेखि प्रयासरत थिए । अब भने यो फिल्म निर्माणको काम अन्तिम चरणमा आइपुगेको छ । मे १ मा यो फिल्म प्रदर्शनमा आउँदै छ ।