काठमाडौं- फागुन २१ मा सम्पन्न प्रतिनिधिसभा निर्वाचनमा भारी बहुमत ल्याएको राष्ट्रिय स्वातन्त्र पार्टी सरकार बनाउने कसरतमा जुटेको छ ।

नयाँ सरकार गठनको तयारी चल्दै गर्दा रास्वपा सभापति रवि लामिछाने र भावी प्रधानमन्त्रीका रुपमा अघि सारिएका पार्टीका वरिष्ठ नेता बालेन्द्र शाहले कसलाई कस्तो मन्त्रालय सम्हाल्ने जिम्मा दिन्छन् भन्ने चासो सर्वत्र छ ।

भ्रष्टाचार अन्त्य र सुशासनको थिति बसाल्ने वाचा गरी चुनाव लडेको रास्वपालाई मतदाताले विश्वास गरेर झण्डै दुई तिहाइ बहुमत दिएका छन् । यस्तो अवस्थामा रास्वपालाई स्वच्छ छवि र आफ्नो क्षेत्रमा अब्बल व्यक्तिलाई मन्त्री बनाउन चुनौती समेत हुने देखिन्छ ।

खबरहबका लागि दीपक गौतमले तयार पारेको कार्टुनले रास्वपाको मन्त्री छनौट प्रक्रियालाई व्यङ्ग्य गर्न खोजेको छ ।