काठमाडौं – आगामी फागुन २१ मा हुने प्रतिनिधिसभा निर्वाचनको लागि स्याङ्जाबाट २८ जनाले उम्मेदवारी दर्ता गराएका छन्।

मुख्य निर्वाचन अधिकृतको कार्यालयका अनुसार ३ जना स्वतन्त्रसहित २५ जना राजनीतिक दलका प्रतिनिधिले उम्मेदवारी दर्ता गराएका हुन्।

३ जना स्वतन्त्र उम्मेदवारमध्ये क्षेत्र नम्बर १ मा दुई र दुईमा एक जनाको स्वतन्त्र उम्मेदवारी परेको हो ।

स्याङ्जामा कांग्रेसबाट बैंकर भरतराज ढकाल, एमालेबाट मिनप्रसाद गुरुङ र नेकपाबाट शैलेन्द्र घिमिरे ले उम्मेदवारी दर्ता गरेका थिए । यस्तै, रास्वपाबाट धनन्जय रेग्मी, श्रम संस्कृति, प्रजातन्त्र लोकतान्त्रिक पार्टी, नेकपा माओवादी, उज्यालो नेपाल, मंगोल नेसनल अर्गनाईजेसन र राप्रपाले पनि उम्मेदवारी दिएका छन् ।

क्षेत्र नम्बर दुईमा भने कांग्रेसबाट स्थानीय स्तरमा राम्रो पकड बनाएका पूर्व प्रदेश सांसद भागवत प्रकाश मल्ल, एमालेबाट खिमबहादुर थापा, नेकपाका पदमबहादुर विक, रास्वपाबाट झविलाल डुम्रे, रहेका छन् ।

यसैगरी, प्रगतिशिल लोकतान्त्रिक पार्टी, राप्रपा, रा।जनमोर्चा, मंगल नेसनल, जयमात्रीभूमि, रा।जनमुक्तिबाट पनि उम्मेदवारी परेको छ ।