काठमाडौं – नायिका निरुता सिंह र नायक उत्तम प्रधानले दुई दशकपछि स्क्रिन सेयर गर्दैछन् ।

लामो समयपछि उनी दुईले एकै फिल्म साइन गरेका हुन् । फिल्म ‘सारथी’मा यी दुई शीर्ष भूमिकाका लागि तय भएका हुन् ।

२२ वर्षअघि प्रदर्शनमा आएको फिल्म ‘सन्तान’ उनीहरूको पछिल्लो सहकार्य हो ।

निर्माण पक्षले सोमबार काठमाडौंको भद्रकाली मन्दिरमा यो फिल्मको शुभमुहूर्त पनि भएको छ ।

म्याग्दी गुर्जाखानी वरपरका क्षेत्रमा यो फिल्मको छायाङ्कन हुँदैछ । डेब्यू निर्देशक कुमार गजुरेल बुधबारबाट यो फिल्मको सुटिङ सुरु गर्ने तयारीमा छन् । ४० दिनमा सुटिङ सक्ने उनको योजना ।

किम्भे प्रोडक्सन तथा धिरज इन्फिनिटी फिल्मस्को सहकार्यमा बन्ने यस फिल्मको निर्माता तारा थापा ‘किम्भे’ हुन् । उनी तीन दशकदेखि फिल्म सम्पादनमा सक्रिय छन् ।