काठमाडौँ– जर्मन बुन्डेस लिगा फुटबलमा बायर्न म्युनिखले उपाधि जितेको छ । गएराति एलिएन्ज एरिनामा सम्पन्न खेलमा भीएफबी स्टुटगार्टलाई ४–२ गोलले हराउँदै बायर्नले चार खेल बाँकी छँदै आफ्नो ३५औँ बुन्डेसलिगा उपाधि सुरक्षित गरेको छ ।

यो जितसँगै बायर्नको दोस्रो स्थानको बोरुसिया डर्टमन्डसँग १५ अंकको अग्रता बनेको छ । अबका चारवटै खेल हारेको अवस्थामा पनि बायर्नको उपाधि पक्का भएको छ ।

बार्यनका लागि राफायल ग्वरेरो, निकोलस ज्याक्सन, अल्फन्सो डेभिज र ह्यारी केनले एक–एक गोल गरेका थिए ।

उत्कृष्ट पुनरागमन खेलको सुरुवाती चरणमा बायर्नले केही दबाब महसुस गरेको थियो। क्रिस फ्युरिचले उत्कृष्ट गोल गर्दै स्टुटगार्टलाई सुरुवाती अग्रता दिलाएका थिए। तर, बायर्नले खेलमा फर्कन धेरै समय लगाएन । ६ मिनेटको अन्तरालमा तीन गोल गर्दै बायर्नले खेललाई आफ्नो नियन्त्रणमा लिएको थियो ।

स्टुटगार्टका लागि चेमा आन्द्रेसले ८८औँ मिनेटमा टोलीका लागि एक गोल थपेका थिए ।

गत सिजन २०२३–२४ मा बायर लेभरकुजेनले उपाधि जितेर बायर्नको अपराजित यात्रा तोडेको थियो। तर, यसपटक लगातार दोस्रो उपाधि जित्दै बायर्नले पुनः जर्मन फुटबलमा आफ्नो दबदबा प्रमाणित गरेको छ ।