काठमाडौं- पश्चिम एसियाको युद्धका कारण केन्द्रबिन्दु बनेको होर्मुज जल क्षेत्रमा काम गर्दै आएका एकजना नेपाली इरानी सेनाको कब्जामा परेका छन् ।
परराष्ट्र मन्त्रालयको पश्चिम एसिया महाशाखाका प्रमुख एवम् सहसचिव रामकाजी खड्काले होर्मुज जलक्षेत्रबाट एकजना नेपालीलाई इरानी सेनाले नियन्त्रणमा लिएको पुष्टि गरेका छन् ।
पानी जहाजमा काम गर्दै आएका ती नेपाली अमृत झालाई इरानी सेनाले कब्जामा लिएको हो। इरानी सेनाको कब्जामा परेका झाको नेपालस्थित ठेगाना खुलिनसकेको परराष्ट्र मन्त्रालयले शुक्रबार जनाएको छ।
परराष्ट्र मन्त्रालयले शुक्रबार गरेको पत्रकार सम्मेलनमा होर्मुज जलक्षेत्रबाट नियन्त्रणमा लिइएका नेपाली पानी जहाज चालक दलका सदस्य रहेको जनाएको छ।
प्रतिक्रिया