काठमाडौं- सार्वजनिक पदको दुरुपयोग गरेको आशङ्कामा पक्राउ परेका बेलायती पूर्वराजकुमार एण्ड्रियू माउन्टबेटन विन्जर रिहा भएका छन् ।
स्थानीय समयअनुसार बिहीबार बिहान पक्राउ परेका उनी केही घण्टा आइलशामस्थित प्रहरी हिरासत बसेर रिहा भएका हुन् ।
उनलाई टेम्स भ्याली प्रहरीले आवश्यक सोधपुछ गरेर छाडेको समाचार संस्था रोयटर्सले जनाएको छ । बेलायती राजगद्दीका आठौँ उत्तराधिकारी एण्ड्रियूको गिरफ्तारीलाई आधुनिक बेलायती राजतन्त्रकै अभूतपूर्व घटना मानिएको छ ।
टेम्स भ्याली प्रहरीले ‘पक्राउ परेका व्यक्ति अनुसन्धानका क्रममा रिहा भएको’ जानकारी दिएको छ । उनी कुख्यात बाल यौन दुराचारी जेफ्री एपस्टिनसँग मुछिएपछि बदनाम भएका थिए ।
प्रतिक्रिया