नैरोबी- दक्षिण अफ्रिकी एक पत्रकार जिबुटीबाट बेपत्ता भएका पारिवारिक श्रोतले जनाएको छ । उनको परिवारले एएफपीलाई यसबारे पुष्टि गर्दै बेपत्ता भएको जानकारी विभिन्न अधिकारीहरूलाई दिइएको छ । बेलायती नागरिकता पनि प्राप्त गरिसकेका माइका रेड्डी बिहीबार तोकिएको जिम्मेवारीका लागि जिबुटी गएका थिए ।

शनिबार स्थानीय समयअनुसार दिउँसो १ बजेसम्म उहाँ सहकर्मीहरूसँग घण्टैपिच्छे सम्पर्कमा रहेका थिए तर पछि उनीसँगको सञ्चार विच्छेद भएको पत्नी निकोल बेअड्र्सवथले बताएका छन् । “उहाँको फोन उहाँ जिबुटी पुगेको चार घण्टापछि बन्द भयो”, उनकी पत्नी बेअड्र्सवर्थले एएफपीसँग भनिन्, “म धेरै चिन्तित छु ।”

उनी आफ्ना स्थानीय सहयोगी फिक्सर कुकी महमुदसँगै बेपत्ता भएको बताइएको छ । रेड्डी ‘इन्टरनेसनल कन्सोर्टियम अफ इन्भेस्टिगेटिभ जर्नालिस्ट्स’का अफ्रिकी समन्वयक हुन् । बेपत्ता हुनुअघि उनी राजधानीको एउटा होटलमा बुसेका थिए । “उनले चर्को गर्मीको मौसमबारे कुरा गर्दै आफ्नो अन्तिम सन्देश हिजो बिहान छोडेका थिए,” रेड्डीकी आमाले एएफपीसँग भने ।

“उनले कुनै डर व्यक्त गरेनन् । त्यसैले हामी आशा गर्दैछौँ कि यो जिबुटी सरकारको कुनै निकायले सोधपुछका लागि रोकेको हो र पछि छोडिनेछ,” उनले भने । परिवारले बताएअनुसार इन्टरपोल, बेलायती उच्च आयोग र दक्षिण अफ्रिकाको परराष्ट्र विभागसहित विभिन्न अधिकारीहरूलाई यसबारे जानकारी जारी गरिएको छ ।

‘कमिटी टु प्रोटेक्ट जर्नालिस्ट्स (सीपीजे)’ ले जिबुटी अधिकारीहरूलाई ‘तत्काल उनीहरूको अवस्था स्पष्ट गर्न र सुरक्षा सुनिश्चित गर्न’ आग्रह गरेको छ। एएफपीले सम्पर्क गर्दा सरकारी अधिकारीले यस मुद्दाबारे आफूहरू अनभिज्ञ रहेको बताएका छन् भने सत्तारूढ दलका एक वरिष्ठ सदस्यले यो ‘सत्य होइन’ भने । ‘रिपोर्टरर्स विदाउट बोर्डर्स’को सन् २०२६ प्रेस स्वतन्त्रता सूचकाङ्कमा जिबुटी १८० देशमध्ये १६७ औँ स्थानमा छ ।