काठमाडौं – नेपाली कांग्रेसका सभापति गगन थापा निवर्तमान उपसभापति पूर्णबहादुर खड्कालाई भेट्न गोल्फुटार पुगेका छन् । महामन्त्री प्रदिप पौडेलका अनुसार सभापति थापा खड्का निवास गोल्फुटार पुगेर निवर्तमान कार्यवाहक सभापति खड्कासँग भेटघाट गरेका छन् ।

आइतबार दिउँसाे मात्कारै ठमाडौंमा बसेको १४औँ महाधिवेशनबाट निर्वाचित सदस्यहरुको बैठकले पार्टी विवादबारे सर्वोच्चको आदेशपछि एकताका लागि पहल गर्ने जिम्मेवारी सभापतिको रहेको निस्कर्ष निकालेको थियो ।

दिउँसो बसेको देउवा पक्षको उक्त बैठकले एकताको पहल नभए पार्टी विभाजन हुनसक्ने चेतावनी समेत दिएको थियो । बैठकपछि कांग्रेस नेता मीन विश्वकर्माले गगन थापाको कार्यसमितिले एकताका लागि पहल गर्न ढिलाई गरे गम्भीर क्षति पुग्न सक्ने निष्कर्ष निकालिएको बताए। अदालतको आदेश आफैमा विरोधाभासपूर्ण र बिगतका नजीरको विरुद्धमा रहेपनि आफुहरुले त्यसलाई मान्ने उनको भनाइ छ ।