काठमाडौं – युवा पुस्तामाझ चर्चिमा रहिरहने सोसल मिडिया इन्फ्लुएन्सर प्रशंसा रायमाझी फिल्म अभिनयमा आउने भएकी छन् ।

रायमाझीले दीपक आचार्य ‘काकु’ र कुमार कट्टेल ‘जिग्री’को सहकार्यमा बनाउन लागेको फिल्म चिरञ्जीवी भवः’ साइन गरेकी हुन् ।

निर्माण पक्षले आइतबार उनी फिल्ममा अनुबन्ध भएको सार्वजनिक गरेको हो ।

क्रिकेटर कुशल भुर्तेलसँग नाम जोडिएर रायमाझीको चर्चा हुने गर्छ । उनी विभिन्न म्युजिक भिडियोमा ब्रान्ड प्रमोसनमा सहभागी हुँदै आएकी छन् ।

अब उनी पनि सोसल मिडियाबाट चर्चामा आएर फिल्म खेल्ने चर्चितअनुहारमा परेकी छन् ।

यो फिल्मको निर्देशन दीपक आचार्यले गर्दैछन् । कथा भने कुमारको हो ।

सोसल ड्रामा जनरामा बन्ने यस फिल्मको लेखक सबिन अधिकारी र वसन्त न्यौपाने हुन् ।

दीपकका अनुसार यो फिल्म जेठ अन्तिम वा असार पहिलो साताबाट छायाङ्कनमा जानेछ ।