काठमाडौं- सर्वोच्च अदालतले गगन थापा नेतृत्वको नेपाली कांग्रेसको पक्षमा अन्तिम निर्णय दिएसँगै निवर्तमान सभापति शेरबहादुर देउवा समूह बिलखबन्दमा परेको छ।

उक्त समूहले यसअघि कार्यवाहक सभापति पूर्णबहादुर खड्काको नाममा दुई पटक वक्तव्यसमेत निकालेको थियो।

तर त्यसरी कांग्रेसका नाममा वक्तव्य निकाल्ने हैसियत पनि यो समूहले शुक्रबारदेखि गुमाएको छ।

सबै राजनीतिक र कानुनी हैसियत गुमाएर एउटा समूहमा परिणत कांग्रेसका निवर्तमान कार्यवाहक सभापति पूर्णबहादुर खड्काले बोलाएको यो समूहको बैठक स्मार्ट प्यालेस धुम्बाराहीमा बसिरहेको छ।

सर्वोच्च अदालतले थापा पक्षलाई पार्टीको आधिकारिकता दिने फैसला गरेपछि खड्काले आफू पक्षीय केन्द्रीय सदस्यहरूको बैठक बोलाएर छलफल गरिरहेका छन् । तर यो समूहबाट डा. शेखर कोइराला, शशांक कोइराला र धनराज गुरुङहरू बाहिरिएका छन् ।

तस्बिरहरू : नेपाल फोटो लाइब्रेरी