काठमाडौं– नेपाल कम्युनिष्ट पार्टी (एमाले)ले आफ्नो चुनावी घोषणापत्रमार्फत सबै विद्यालयका किशोरीहरूलाई निःशुल्क स्यानिटरी प्याड उपलब्ध गराउने प्रतिबद्धता जनाएको छ । 

किशोरीहरूको स्वास्थ्य, सरसफाइ र विद्यालय उपस्थितिमा सुधार ल्याउने उद्देश्यले प्याड सहज रूपमा उपलब्ध गराइने उल्लेख गरिएको छ । घोषणापत्रमा कक्षा १० सम्म अध्ययनरत सबै विद्यार्थीका लागि दिवा खाजाको व्यवस्था गरिने पनि उल्लेख छ । 

यस कार्यक्रमले विद्यार्थीको पोषण अवस्था सुधार गर्नुका साथै विद्यालयमा नियमित उपस्थितिलाई प्रोत्साहन गर्ने अपेक्षा गरिएको छ ।

एमालेले यस प्रकारका कार्यक्रममार्फत विद्यालय शिक्षा थप समावेशी, स्वास्थ्यसम्बन्धी रूपमा सुरक्षित र विद्यार्थीमैत्री बनाउने लक्ष्य राखेको जनाएको छ ।