काठमाडौं – ब्राजिलका लिजेन्ड फुटबलर रोनाल्डोले सर्वाकालीन महान (गोट) खेलाडी अर्जेन्टिनी स्टार लियोनल मेस्सी रहेको तथ्य विश्वले स्वीकार गर्ने समय आएको प्रतिक्रिया दिएका छन् । जुन अभिव्यक्तिलाई विश्वभरका मिडियाले चासोका साथ प्रकाशन र प्रसारण गरेका छन् ।

यस संस्करणको विश्वकपको आफ्नो टोलीको पहिलो खेलमा मेस्सीले अल्जेरियाविरुद्ध ह्याट्रिक हानेका थिए । ‘गोट’ को अघोषित प्रतिस्पर्धामा उनका प्रतिद्वन्दी मानिएका पोर्चुगिच स्टाइकर रोनाल्डको खेल पछिल्लो समय खस्किएको छ । डीआर कंगोसँग रोनाल्डोले गोल गर्न सकेनन् र खेल बराबरीमा रोकियो ।

पछिल्लो समय उनको र मेस्सी विश्लेषण गरेर ब्राजिलियन पूर्व फुटबलर रोनाल्डोले उक्त अभिव्यक्ति दिएको बुझिएको छ ।
ह्याट्रिकपछि मेस्सीबारे उनले भने, ‘उनले हरेक सिजन र विश्वकपमा प्रदर्शन गरिरहन्छन् । यद्यपि, उनको बारेमा अझै पनि शंकाहरू छन् । यो एक अविस्मरणीय र ऐतिहासिक रात हो जुन इतिहासको पुस्तकमा सधैंभरि रहनेछ ।’

मेस्सीलाई ‘गोट’ स्वीकार गरेर बहसलाई किनारा लगाउनुपर्ने उनको बुझाइ छ ।

‘मेस्सीले मैदानमा पाइला टेकेपछि सबै ऐतिहासिक र भव्य बन्दै जान्छ । उनले मैदानमा जे गर्छन्, त्यसले सबै तर्कलाई चुनौती दिन्छ । उनलाई यो स्तरमा खेलिरहेको हेर्नु, शान्त र स्पष्ट रूपमा खेलेको हेर्नु फुटबल मन पराउने जो कोहीको लागि पूर्ण सौभाग्य हो,’ उनले भने ।

क्रिस्टियानो रोनाल्डोको फर्ममा नरहेको अवस्था र मेस्सी आक्रमक देखिएको अवस्थामा यी लिजेन्डको टिप्पणीले स्थान पाउन स्वभाविक हो । यो यी दुई खेलाडीले फ्यानहरूले लामो समयदेखि गर्दै आएको विवाद पनि हो ।