कुवेत- कुवेत र कतारले साउदी अरबमाथि भएको ड्रोन हमलाको कडा निन्दा गरेका छन् ।

उनीहरूले यसलाई क्षेत्रीय सुरक्षा र सउदी अरबको सम्प्रभुतामाथि हमला भएको बताएका छन्।

सउादी अधिकारीहरूका अनुसार, तीनवटा ड्रोन इराकी हवाई क्षेत्रबाट आएका थिए, जसलाई एयर डिफेन्स प्रणालीले खसाालेको थियो।

कुवेतले आफ्नो विज्ञप्तिमा यो हमला संयुक्त राष्ट्र सुरक्षा परिषद (युएनएससी) को प्रस्ताव २८१७ को उल्लङ्घन भनेको छ। यो प्रस्ताव मार्च महिनामा खाडी क्षेत्रका महत्वपूर्ण पूर्वाधारको सुरक्षा गर्नका लागि पारित गरिएको थियो।

कतारले पनि यस घटनालाई अस्वीकार्य आक्रामकता भनेको छ । यसलाई उसले साउदी अरबको सम्प्रभुताको प्रत्यक्ष उल्लङ्घन भएको बताएको छ। उता दोहाले रियादसँग पूर्ण एकजुटता व्यक्त गरेको छ।

साउदी अरबले उसको एयर डिफेन्स प्रणालीले तीनवटा शत्रुतापूर्ण ड्रोन लाई रोकेर नष्ट गरेको जनाएको छ।

अधिकारीहरूका अनुसार, ड्रोनहरू इराकी हवाई क्षेत्रको दिशाबाट आएका थिए। तर अहिलेसम्म कुनै पनि समूहले हमलाको जिम्मेवारी लिएको छैन।