काठमाडौं– उपभोक्ता अदालतले प्रसूतिको क्रममा मृत्यु भएका मनिता शर्माको परिवारलाई क्षतिपूर्ति दिन आदेश गरेको छ । 

मनिताको मृत्यु प्रकरणमा कुल ३९ लाख रुपैयाँ क्षतिपूर्ति उपलब्ध गराउन एभरेष्ट अस्पताल र उपचारमा संलग्न स्त्रीरोग विशेषज्ञ डा. ज्योत्सना शर्मा तिवारीको नाउँमा आदेश भएको हो ।

उपभोक्ता अदालतका सूचना अधिकारी होमनाथ कँडेलका अनुसार, अदालतले एभरेष्ट अस्पतालबाट ३० लाख रुपैयाँ र डा। तिवारीबाट ९ लाख रुपैयाँ क्षतिपूर्ति भराउन आदेश दिएको हो ।

मनिताका श्रीमान् सुवास पराजुलीले उपचारमा चिकित्सक र अस्पतालको लापरबाहीका कारण श्रीमतीको मृत्यु भएको दाबी गर्दै उपभोक्ता अदालतमा मुद्दा दायर गरेका थिए ।

यो पनि पढ्नुहोस् :

अदालतले मुद्दामाथिको सुनुवाइपछि अस्पताल र चिकित्सक दुवैको दायित्व ठहर गर्दै पीडित परिवारलाई क्षतिपूर्ति उपलब्ध गराउने फैसला गरेको हो ।

यो फैसला स्वास्थ्य सेवा प्रवाहमा चिकित्सक तथा स्वास्थ्य संस्थाको जबाफदेहिता र बिरामीको अधिकारका दृष्टिले महत्त्वपूर्ण मानिएको छ ।