काठमाडौँ — कप्तान लियोनेल मेसीको व्यक्तिगत दोस्रो गोलको मद्दतले विश्वविजेता अर्जेन्टिनाले अल्जेरियाविरुद्धको खेलमा आफ्नो अग्रता दोब्बर बनाएको छ। खेलको ६० औँ मिनेटमा गोल गर्दै मेसीले टोलीलाई २-० को बलियो स्थितिमा पुर्‍याएका हुन्।

लिभरपुलका मिडफिल्डर अलेक्सिस म्याक अलिस्टरले पेनाल्टी बक्सबाहिर करिब २५ यार्डबाट प्रहार गरेको कडा र तल्लो सटलाई अल्जेरियाका गोलरक्षक लुका जिदानले सही ढङ्गले नियन्त्रणमा लिन सकेनन्। बल उनको छातीमा ठोक्किएर मैदानमा ड्रप भएको थियो। त्यही रिबाउन्ड बललाई मेसीले आफ्नो कम चल्ने दायाँ खुट्टाले सहजै पोस्टको दिशा दिए।

यो गोलसँगै मेसीको विश्वकप इतिहासमा गोल सङ्ख्या १५ पुगेको छ। अब थप एक गोल गरेमा मेसी विश्वकप इतिहासकै सबैभन्दा धेरै गोल गर्ने खेलाडीको कीर्तिमान बराबरी गर्ने संघारमा आइपुगेका छन्।

फान्सका केलियन एम्बाप्पेले तोडेको उनको रेकर्ड पहिलो गोलबाट बराबरी गरेका मेसीले दोस्रो गोल गर्दै पछाडि छानेका हुन् । एम्बाप्पेले विश्वकपमा १४ गोल गरेका छन् ।

मेसीले ब्राजिलका रोनाल्डो (१५ गोल) बराबरी गर्दा जर्मनीका मिरोस्लाभ क्लोज (१६ गोल) भन्दा मात्र पछि छन् ।