काठमाडौं– काठमाडौं, ललितपुर र भक्तपुरमा मनाइने नेवार समुदायको परम्परागत मुकुन्डो नाच पुस्तक विमोचन गरिएको छ । 

आइतबार एक कार्यक्रमको आयोजना गरी सो पुस्तक विमोचन गरिएको हो । कार्यक्रममा अहिले द्रुत गतिमा भइरहेको प्रविधिको विकाससँगै मुकुन्डो नाचलाई बचाइरहन यो पुस्तकले ठुलो भूमिका खेल्ने लेखिका विणा जोशीले बताइन् । 

नेवार समुदायमा मुकुन्डो नाचको निकै महत्त्व रहेकाले पनि यसको महत्त्वलाई जीवित राख्न आफूले प्रयास गरिरहेको उनले उल्लेख गरिन् । 

पछिल्लो समय आफ्नो संस्कृतिप्रति युवाहरूको ध्यान कम गएको गुनासो गर्दै जुनसुकै जातजातिका संस्कृतिहरू जीवितै राख्न सक्नुपर्नेमा उनले जोड दिइन् ।

यस पुस्तकमा मुकुन्डो नाच, उपत्यका र राजपरिवारको इतिहास समेटेर तयार पारिएको सो पुस्तक १७ खण्डमा लेखिएको छ ।